.....അന്ന്.....
മുറ്റത്തു മുല്ലപ്പൂക്കളൊത്തു കളിക്കുന്ന കുട്ടിയെ
കമ്പ്യൂട്ടര് മാടിവിളിച്ചു.
അവന്റെ വിടര്ന്ന കണ്ണിനു മുന്നില്
കമ്പ്യൂട്ടര്മുല്ലപ്പൂന്തോട്ടം വിടര്ത്തി.
കുട്ടി തൊട്ടു നോക്കി,മണത്തു നോക്കി,
പിന്നെപ്പറഞ്ഞു: "ഇതിനു മണവും സ്പര്ശനവും എവിടെ"?
കമ്പ്യൂട്ടര് തലതാഴ്ത്തി.മോണിറ്റര് മങ്ങി.
കുട്ടി വീണ്ടും മുല്ലയിലേക്ക് മടങ്ങി.
.....ഇന്ന്.....
മുല്ലപ്പൂവിന്റെ ചിത്രം നോക്കിയിരുന്ന കുട്ടിയെ
ഇണ്റ്റര്നെറ്റ് ചൂടിയ കമ്പ്യൂട്ടര് മാടി വിളിച്ചു.
സൂപ്പര് കമ്പ്യൂട്ടര് അവനു മുന്നില് ഒരായിരം മണവും,വലുപ്പവും,സ്പര്ശനവും ഉള്ള-
ത്രീഡി തോട്ടത്തിലെ മുല്ലപ്പൂ കാട്ടി.
"ഇഷ്ടായോ" കമ്പ്യൂട്ടര് സ്പീക്കറനക്കി.
"ഇല്ല" കുട്ടി മിഴിച്ചിരുന്ന് ഉത്തരമരുളി.
"എന്തേ, മണമില്ലേ?" കമ്പ്യൂട്ടര് ചോദിച്ചു.
"മണമുണ്ട് പക്ഷേ, ആസ്വദിക്കേണ്ട ഹൃദയമെവിടെ?"
കുട്ടി അതും പറഞ്ഞ് ഇ-ഷോപ്പിങ്ങിനിറങ്ങി.
കമ്പ്യൂട്ടര് മൂകമായി,ചിന്താമഗ്നനായുറങ്ങി.
അപ്പോള് മുന്ഗാമികളുടെ തട്ടുംപുരയില് നിന്നെങ്ങോ
മാറാലക്കെട്ടുകള് ഭേദിച്ച് ഒരു പഴയ-ചാരുകസേര പറഞ്ഞു:
"ഹൃദയനഷ്ടം ഇന്നൊരു സമകാലീന പ്രശ്നമാണ്. "