അഞ്ചു വട്ടം കരഞ്ഞ അലാറത്തെ പ്രാകി,
കൂട്ടുകാരനെ കൊന്നോന് മുഖം പത്രത്തില് ദര്ശിച്ച്,
മൊബൈല് മെസേജുകളുടെ ചന്തം നുകര്ന്ന്,
തുടങ്ങുകയാണെന് പുതിയ ദിനങ്ങള്.
ജെല്ലു തേച്ച് മുടിയും , മനസ്സും കടുപ്പിച്ച്,
കൂട്ടുകാരിക്കാസ്വദിക്കാനൊരു സ്പ്രേയില് കുളിച്ച്,
മറ്റാരും പ്രദര്ശിപ്പിക്കാത്ത കുപ്പായം ധരിച്ച്,
മറ്റാര്ക്കും നല്കാതെ ബസ്സിന്റെ സീറ്റിലുറച്ച്,
തുടങ്ങുകയാണെന്റെ പുതിയ യാത്രകള്.
സ്കൂള് വഴിയരികില് കണ്ട മുഖമതേതാണ്?
പരിചയം തോന്നുന്ന ചിരിയതേതാണ്. ?
ഫേസ് ബുക്കു താളുകള് പരതി ഞാന് കണ്ടെത്തി.
ഓഹ്.. ഇതെന്റെ പ്രിയപ്പെട്ട ചങ്ങാതിയല്ലേ!
ചങ്ങാതിക്കൊരു ചിരി നല്കി,കീശയിലിറങ്ങി,
ഗുല്മോഹര് പൂക്കളുതിര്ന്നു വൃത്തികേടായ,
പ്ളാസ്റ്റിക്കു കൂടുകള് വര്ണ്ണം വിടര്ത്തുന്ന,
വിദ്യാലയത്തിന്റെ ഇടവേള വഴിയും കടന്ന്,
കോണ്ക്രീറ്റു റൂമിലൊരു ഇരിപ്പിടം കണ്ടെത്തി,
കാത്തിരിക്കുന്നു ഞാന് പുതിയ ലോകത്തില്..
പുതിയ വിദ്യാര്ഥിയാകുവാന് ഋതുക്കളും കാത്ത്...